-
Përktheu:
Flutura Gashi-Mehmeti
- 25 dhjetor 2025 08:38
- Shpërndaje në:
Katërmbëdhjetë vende, përfshirë Britaninë, Kanadanë dhe Gjermaninë, kanë dënuar miratimin nga kabineti i sigurisë i Izraelit të 19 vendbanimeve të reja në Bregun Perëndimor të pushtuar, duke thënë se ato shkelin të drejtën ndërkombëtare dhe rrezikojnë të nxisin paqëndrueshmëri.
Izraeli ka miratuar një propozim të dielën e kaluar për vendbanimet e reja hebraike, gjë që e çon totalin e tyre në 69, sipas ministrit të Financave të ekstremit të djathtë, Bezalel Smotrich.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Ne i bëjmë thirrje Izraelit që ta anulojë këtë vendim, si dhe zgjerimin e vendbanimeve", thuhet në deklaratën e përbashkët të lëshuar nga Britania, e cila përfshin gjithashtu Belgjikën, Danimarkën, Francën, Italinë, Islandën, Irlandën, Japoninë, Maltën, Holandën, Norvegjinë dhe Spanjën.
"Veprime të tilla të njëanshme, si pjesë e një intensifikimi më të gjerë të politikave të vendbanimeve në Bregun Perëndimor, jo vetëm që shkelin të drejtën ndërkombëtare, por gjithashtu rrezikojnë të nxisin paqëndrueshmëri”.
“Ata rrezikojnë të minojnë zbatimin e planit gjithëpërfshirës për Gazën mes përpjekjeve për të përparuar në fazën 2 dhe duke dëmtuar perspektivat për paqe dhe siguri afatgjatë në të gjithë rajonin".
"Ne kujtojmë kundërshtimin tonë të qartë ndaj çdo forme aneksimi dhe zgjerimit të politikave të vendbanimeve, duke përfshirë miratimin e vendbanimit E1 dhe mijëra njësive të reja të banimit. Ne i bëjmë thirrje Izraelit që ta anulojë këtë vendim, si dhe zgjerimin e vendbanimeve, në përputhje me rezolutën 2334 të Këshillit të Sigurisë të OKB-së”, thuhet më tej në deklaratë.
Plani i fundit i zgjerimit të Izraelit përfshin dy vendbanime që u evakuuan gjatë një plani të shkëputjes së vitit 2005.
Miratimi nga kabineti i sigurisë rrit numrin e vendbanimeve në Bregun Perëndimor me gati 50% gjatë mandatit të qeverisë aktuale.
Vendbanimet konsiderohen të paligjshme sipas të drejtës ndërkombëtare.