Ura që lidh Vranocin e Madh me Vranocin e Vogël në Pejë, është çarë si pasojë e reshjeve të shiut dhe vërshimeve.
Një banor ka shkruar se banorët e Vranocit të Vogël kanë mbetur të bllokuar nga dëmtimi i urës. Ai ka dërguar foto dhe video të urës së dëmtuar.
Ura e dëmtuar lidh Pejën me Deçanin.
“Për shkak të dëmtimit tash nuk është e kalueshme kjo urë. Banorët rrugën e vetme që kanë mujt me u qas në Pejë ashtu edhe në Deçan, ka qenë përmes kësaj ure. Si banorë jemi plotësisht të bllolkua. Ka dhjetë vjet që komunat fajësojnë njëra-tjetrën për këtë urë, e tash ne banorët kemi mbetur të bllokuar”, ka thënë një banor i fshatit, që edhe ka dërguar për KOHËN videon e urës dhe foto.
Kryetari i Komunës së Deçanit, Bashkim Ramosaj, është deklaruar rreth situatës së krijuar për shkak të reshjeve të mëdha të shiut.
Edhe
Shtëpi e rrugë përmbyten në disa komuna, FSK-ja e gatshme të intervenojë
Ai ka thënë se si pasojë e tyre, është gjendje e rënduar në disa vendbanime të komunës së Deçanit.
Ramosaj ka thënë se ura në fshatin Vranoc të Vogël është e pakalueshme për shkak të dëmtimeve të mëdha.
“Komuna e Deçanit do të bëjë të pamundurën që t’ju ofrojë ndihmën e duhur gjithë qytetarëve të saj deri në kalimin e kësaj situate emergjente”, ka shtuar ai.
Reshjet e shiut të së dielës kanë shkaktuar vërshime në shumë qytete të Kosovës.
Edhe
Reshjet që sollën përmbytje, nga shumë komuna në Kosovë raportohet për dëme
Situatë e rëndë raportohet në Pejë, Istog e Junik. Po ashtu vërshime ka edhe në Gjakovë, Malishevë e Vushtrri.
Pamje të urës së dëmtuar në Vranoc ka postuar edhe faqja "Peja në Fokus".
