Një qytetar është gjobitur me 500 euro pasi dyshohet se kishte ndezur mbeturina në fshatin Mirosalë të Ferizajt.
Sipas Policisë së Kosovës, zyrtarët policorë kanë reaguar pas pranimit të informatës për një zjarr të dyshuar në zonën malore të këtij fshati.
Gjatë ndërhyrjes, policia ka identifikuar 39-vjeçarin me inicialet M.K., i cili kishte ndezur mbeturina në hapësirë të hapur.
Ndaj tij është shqiptuar gjobë kundërvajtëse në vlerë prej 500 eurosh.
Policia Rajonale e Ferizajt u ka bërë thirrje qytetarëve që të shmangin ndezjen e mbeturinave dhe materialeve të tjera në ambiente të hapura, veçanërisht pranë pyjeve.
Sipas policisë, zjarret mund të përhapen me shpejtësi, duke shkaktuar dëme në natyrë dhe prona, si dhe duke rrezikuar jetën e qytetarëve.
-
Gjobitet Komuna e Prishtinës për mbeturina vëllimore jashtë deponisë
-
Dyshohet se 2000 euro të falsifikuara u deponuan në një bankë në Ferizaj
-
Gati 30 mijë euro gjenden në një automjet afër liqenit të Vërmicës, nis hetimi për shpërlarje parash
-
Arrestohet një 31-vjeçar në Ferizaj për kanosje, konfiskohet një armë zjarri
-
Arrestohen pesë persona pas një përleshje në Ferizaj