Ambasadori i Mbretërisë së Bashkuar në Kosovë, Jonathan Hargreaves, ka uruar Justina Shiroka-Pulën për zgjedhjen e saj në postin e Presidentes së Republikës së Kosovës.
Përmes një postimi, Hargreaves i ka uruar presidentes së re sukses në detyrën e saj, duke theksuar rëndësinë e këtij posti.
“Urimet e mia të përzemërta për Justina Shiroka-Pulën për zgjedhjen e saj Presidente e Republikës së Kosovës. I uroj çdo sukses në këtë rol të rëndësishëm”, ka shkruar ambasadori britanik.
Hargreaves ka thënë se pret të punojë me Shiroka-Pulën dhe të gjitha institucionet e Kosovës për thellimin e partneritetit mes Mbretërisë së Bashkuar dhe Kosovës.
“Pres me kënaqësi të punoj me Presidenten dhe të gjitha institucionet e Kosovës për ta thelluar partneritetin tonë të kahershëm, ndërsa Kosova ecën drejt një të ardhmeje shumëetnike, demokratike dhe euroatlantike”, ka deklaruar ai.
Reagimet pas zgjedhjes së Justina Shiroka-Pulës presidente
-
Shiroka-Pula: Kosova pret mbështetje të fuqishme nga Shqipëria në rrugëtimin euroatlantik
-
Ambasada amerikane shpreh gatishmërinë të punojë me Shiroka-Pulën
-
Ndërkombëtarët shprehin pritje të bashkëpunojnë me presidenten Shiroka-Pula
-
Presidentja e Sllovenisë uron Shiroka-Pulën: Pres bashkëpunim konstruktiv
-
BE-ja mirëpret zgjedhjen e Shiroka-Pulës: Kosova ka punë të rëndësishme përpara