Bashkimi Evropian ka mirëpritur zgjedhjen e Justina Shiroka Pulës në postin e Presidentes së Kosovës, duke shprehur pritjen për rikthimin e stabilitetit institucional në vend.
Në një përgjigje të një zëdhënësi të BE-së, thuhet se stabiliteti i ri institucional do t’i mundësojë Kosovës të avancojë në rrugën e saj evropiane dhe të shfrytëzojë mundësitë që ofron Bashkimi Evropian.
“Ne e mirëpresim zgjedhjen e Presidentes Justina Shiroka Pula dhe presim me padurim rivendosjen e stabilitetit institucional, duke i mundësuar Kosovës të avancojë në rrugën e saj evropiane dhe të shfrytëzojë plotësisht mundësitë që ofron BE-ja”, thuhet në përgjigje.
Zëdhënësi i BE-së ka theksuar se Kosova ka përpara punë të rëndësishme, përfshirë reformat që lidhen me Planin e Rritjes dhe Reformave, zbatimin e Marrëveshjes së Stabilizim-Asociimit, si dhe përparimin në bashkëpunimin rajonal dhe integrimin gradual në Tregun e Vetëm të BE-së.
Reagimet pas zgjedhjes së Justina Shiroka-Pulës presidente
-
Shiroka-Pula pranon Raportin e Progresit: Anëtarësimi në BE mbetet synim strategjik
-
Macron: Kosova të rifillojë përparimin në fushat që i kontribuojnë perspektivës evropiane
-
Shiroka-Pula: Kosova pret mbështetje të fuqishme nga Shqipëria në rrugëtimin euroatlantik
-
Shiroka-Pula pranon urime nga Italia e Kroacia, i ofrohet mbështetje Kosovës në rrugën euro-atlantike
-
Ndërkombëtarët shprehin pritje të bashkëpunojnë me presidenten Shiroka-Pula