Presidentja e Sllovenisë, Natasha Pirc Musar, e ka uruar Justina Shiroka-Pulën për zgjedhjen e saj presidente.
Përmes një postimi në platformën X, Pirc Musar ka thënë se është e gatshme për bashkëpunim të mirë dhe konstruktiv ndërmjet Sllovenisë dhe Kosovës, si në nivelin bilateral ashtu edhe në kuadër të Procesit Brdo-Brioni.
“Urimet e mia të sinqerta për Justina Shiroka Pulën për zgjedhjen e saj presidente e Republikës së Kosovës. Pres me padurim bashkëpunim të mirë dhe konstruktiv ndërmjet Sllovenisë dhe Kosovës, si në nivelin bilateral, ashtu edhe në kuadër të Procesit Brdo-Brioni. Ju uroj çdo sukses në mandatin tuaj të rëndësishëm”, ka shkruar ajo.
Kryeakademikja Justina Shiroka-Pula është zgjedhur presidente e Republikës së Kosovës me 81 vota për në seancën e nisur më 6 tetor në raundin e parë të votimit.
Reagimet pas zgjedhjes së Justina Shiroka-Pulës presidente
-
Milatoviq uron Shiroka-Pulën: I bindur se marrëdhëniet e fqinjësisë së mirë do të thellohen
-
Shiroka-Pula pranon urime nga Italia e Kroacia, i ofrohet mbështetje Kosovës në rrugën euro-atlantike
-
Shiroka-Pula shpreh gatishmërinë për bashkëpunim të ngushtë me Kurtin
-
Ndërkombëtarët shprehin pritje të bashkëpunojnë me presidenten Shiroka-Pula
-
Kurti: Tash kemi shumë punë përpara