Kryeministri Albin Kurti ka deklaruar se pas zgjedhjes së Justina Shiroka-Pulës presidente e Republikës së Kosovës, vendi ka përpara punë të shumta dhe projekte të reja, duke e cilësuar zgjedhjen e saj si lajmin më të gëzueshëm jo vetëm të muajit tetor.
Kurti ka thënë se tash fokusi duhet të jetë në stabilitetin institucional dhe në vazhdimin e projekteve të nisura, si dhe në fillimin e projekteve të reja.
“Tash kemi shumë punë përpara, stabilitet institucional me projekte të panumërta, edhe ato që kanë nisur më herët edhe ato që i fillojmë tani. Dhe posa u përshëndetëm sot përsëri, kemi presidente të re të Republikës dhe ky është lajmi më i gëzueshëm jo vetëm i tetor 2026”, tha ai para gazetarëve.
Justina Shiroka-Pula u zgjodh presidente e vendit me 81 vota në Kuvend, në votimin që u zhvillua në mesnatën mes të martës dhe të mërkurës, në fund të afatit kushtetues që e caktoi 6 tetorin si datë të fundit për zgjedhjen e presidentit. Detyrën e siguroi pas dakordimit të Vetëvendosjes dhe Partisë Demokratike të Kosovës./ EO
-
Kurti uron zgjedhjen e presidentes: Shumë mund e përpjekje, për kompromisin në fund
-
Justina Shiroka-Pula merr zyrtarisht detyrën e presidentes
-
Presidentja e Sllovenisë uron Shiroka-Pulën: Pres bashkëpunim konstruktiv
-
Ambasadori britanik uron Justina Shiroka-Pulën: Pres të punoj me institucionet e Kosovës
-
BE-ja mirëpret zgjedhjen e Shiroka-Pulës: Kosova ka punë të rëndësishme përpara