Përkundër fitore prej 6 me 0 në përballjen e parë ndaj Shkëndijës sonte në San Siro, trajneri i Milanit, Vincenzo Montella pas takimit është shprehur se nuk e merr të garantuar ndeshjen e kthimit.
Milani demoloi sonte Shkëndijën 6 me 0 në play-offin e Ligës së Evropës, duke i siguruar pothuajse kualifikimin në fazën e grupeve, transmeton Koha.net.
“Kam parë disa nga ndeshjet e tyre dhe ato janë të mirëorganizuara, por studiuam mënyrat se si të krijojmë hapësirat. Loja normalisht u vendos në linjën e duhur dhe mendoj se ishte edhe më mirë se që kemi pritur. Në përgjithësi ishte një mbrëmje pozitive. Nuk do të marrim të garantuar ndeshjen e kthimit, pasi çdo ndeshje është mundësi për t’u përmirësuar”, ka thënë Montella.