Juan Mata do të largohet nga Manchester Unitedi në verë për t’u kthyer në La Liga. Mata do të largohet si lojtar i lirë nga ekipi anglez pasi i skadon kontrata dhe tashmë ka marrë oferta nga Barcelona dhe Real Sociedadi.
33-vjeçari është në negociata me dy skuadrat spanjolle dhe po kërkon kontratë dyvjeçare. Si Barça ashtu edhe Sociedadi po e shohin Matan si opsion të lirë dhe për këtë arsye po insistojnë në transferimin e tij.
Mata prej vitit 2014 është pjesë e Unitedit kurse këtë sezon ka vetëm katër paraqitje në të gjitha garat.
Ai në Angli ka luajtur edhe për Chelsean ndërsa në La Liga ka qenë pjesë e Valencias për katër sezone përpara se të transferohet në Premier League.
Artikuj të ngjashëm