Angel Di Maria do të largohet nga Paris Saint-Germaini pas shtatë sezonesh me këtë skuadër.
Kontrata e argjentinasit skadon në fund të këtij edicioni dhe kampioni francez e ka konfirmuar largimin e tij, shkruan “Associated Press” të shtunën.
“Angel Di Maria do të lë gjurmë të pashlyeshme në historinë e klubit tonë”, ka thënë presidenti i PSG-së, Nasser Al-Khelaifi.
“Ai do të mbetet në kujtesën e tifozëve për karakterin dhe qëndrimin e tij, pasi ka mbrojtur ngjyrat tona me përkushtim të jashtëzakonshëm”, ka thënë ai.
Al-Khelaifi ka kërkuar nga tifozët që në Parkun e Princave, atij t’i jepet përshëndetja që e meriton.
PSG-ja të dielën luan kundër Metzit.
Në ndeshjen e tij të 295-të dhe të fundit për PSG-në, Di Maria do të mundohet të kontribuojë edhe më shumë.
Me këtë skuadër ka 91 gola dhe 11 asistime.
34-vjeçari Di Maria ka shënuar 15 gola dhe pati 25 asistime në të gjitha garat në sezonin e tij të parë pasi iu bashkua ekipit në vitin 2015. Vendosi rekord në ligë duke asistuar 18 herë.
Ai ka fituar 5 tituj të ligës dhe Kupa të Francës, si dhe katër Kupa të Ligës.