Eroll Salihu mund të jetë kandidat për kryetar të FFK-së

Java që vjen pritet të jetë përcaktuese për Kuvendin Zgjedhor për kryetar të Federatës së Futbolli të Kosovës (FFK). Kuvendi është thirrur për 6 prill nga Komitetit Ekzekutiv i FFK-së.

KOHA nga burime të saj merr vesh se në fillim të javës Ministria e Kulturës, Rinisë dhe Sportit (MKRS) do të dal me një opinion ligjor lidhur me Kuvendin Zgjedhor të thirrur nga FFK-ja.

MKRS-ja mund ta interpretoi si të jashtëligjshëm Kuvendin e thirrur nga Komitetit Ekzekutiv i FFK-së për 6 prill.

Për të parin e shtëpisë së futbollit kosovar në garë janë dy kandidatë. Kryetari aktual, Agim Ademi kërkon mandatin e dytë, kurse Gramoz Vokrri ka deponuar nënshkrimet për të kandiduar. Zyrtarisht ende nuk ka konfirmim nga sekretariati i FFK-së nëse është pranuar si e rregullt kandidatura e të birit të ish-kryetarit, Fadil Vokrri.

Nëse Ministria e Kulturës, Rinisë dhe Sportit e vlerëson të paligjshëm Kuvendin e thirrur dhe FFK-ja e respekton vendimin e MKRS-së, atëherë në Kuvendin e ardhshëm që mund të thirret për muajin korrik, kandidat mund të jetë edhe ish-sekretari i përgjithshëm, Eroll Salihu.

Edhe Sport 6 mar 2022 Eroll Salihu flet “pa dorëza” për zhvillimet në FFK

KOHA mëson se Salihu ka marr përkrahje nga zyrtarë dhe delegatë të disa klubeve të futbollit, të cilët i kanë kërkuar atij që të kandidojë për të marrë drejtimin e Federatës së Futbollit.

Kjo e ka bindur edhe vet Salihun që t’i hyjë garës. Në fakt, Eroll Salihu është pjesë e FFK-së. Ai është suspenduar për gjashtë muaj nga Komiteti Ekzekutiv për shkak të deklarimit të tij në media se Kuvendi Zgjedhur për kryetar është i jashtëligjshëm. Salihu ka qenë sekretar i FFK-së për më shumë se një dekadë, ndërkohë në muajt e fundit ka kaluar në pozitën e drejtorit të përgjithshëm dhe të këshilltarit ligjor. E gjithë kjo ka ndodhur pas përplasjeve të vazhdueshme me kryetarin Agim Ademi.

KOHA e ka kontaktuar Salihun të dielën por ai ka thënë se nuk dëshiron të deklarohet. Nuk e ka mohuar e as pohuar se mund të jetë kandidat nga plani i dytë.

Ai ka insistuar se Kuvendi është i jashtëligjshëm dhe se është në pritje që organet kompetente të marrin vendimet e duhura.

vazhdimisht është thirrur në shkelje të statutit nga KE i FFK-së. Sipas tij, mandati i Agim Ademit mbaron me 6 korrik, e jo me 6 prill.

Edhe Sport 1 sht 2023 FFK-ja kërkon shkarkimin e Eroll Salihut nga KAS-i

Përveç opinionit ligjor për Kuvendin Zgjedhor të FFK-së, Ministria e Kulturës dhe Sportit brenda një periudhe një mujore pritet të dal me udhëzimin administrativ i cili precizon se personat që kanë probleme me ligjin nuk do të mund të zgjidhen në pozita udhëheqëse.

Kuvendin të jashtëligjshëm e kanë quajtur edhe disa ish-punëtorë të FFK-së dhe kandidatë për kryetar të shpallur më herët. Më i zëshmi ka qenë ish-zëvendës sekretari Arianit Ahmeti. Ai kishte konfirmuar kandidaturën, por në fund vendosi të mbështesë Gramoz Vokrrin. Ahmeti është thirru vazhdimisht në nenin 39, pika tre.

“Vetëm anëtarët e FFK-së mund të propozojnë kandidatin për Kryetar të FFK-së. Propozuesi duhet të protokolojë propozimin në Sekretariatin Gjeneral të FFK-së, në formë të shkruar dhe duke i deponuar së paku 15 nënshkrime të delegatëve legjitim

të Kuvendit të FFK-së, me të dhënat e nevojshme, së paku dy muaj para datës së

Edhe Sport 26 jan 2023 FFK-ja mban edhe një Kuvend me shumë të panjohura

mbajtjes së Kuvendit të rregullt zgjedhor”, shkruan ky nen.

Agim Ademi u zgjodh kryetar i Federatës së Futbollit të Kosovës me 6 korrik 2018. Ai mori pozitën e kryetarit pas vdekjes së kryetarit të atëhershëm Fadil Vokrri. Ademi nuk e vazhdoi mandatin e mbetur, por mori votat për katër vjet. Edhe kjo gjë ishte kontestuar fuqishëm nga disa klube.