Sergio Ramos ka kontratë me Paris Saint-Germainin deri në fund të këtij sezoni, por spanjolli mund të largohet si futbollist i lirë në muajin qershor.
Mediumi francez “L’Equipe” ka shkruar, të enjten, se për 37-vjeçarin, ofertë të jashtëzakonshme ka dhuruar një klub i Arabisë Saudite.
Sipas mediumit francez, Al-Hilal po përgatitet për t’i ofruar qendërmbrojtësit spanjoll kontratë dyvjeçare, nga e cila Ramos do të përfitonte 30 milionë euro në sezon.
Ramosi me PSG-në në këtë edicion ka zhvilluar 36 ndeshje në të gjitha garat.
Ka shënuar dy gola dhe e ka një asistim.
