Arrestohen pesë të dyshuar të tjerë për grabitjen e stolive në Luvër

Pesë të dyshuar të tjerë janë arrestuar për përfshirjen e tyre në grabitjen e Luvrit, ka bërë të ditur prokurorja e Parisit, Laure Beccuau.

Ata u arrestuan të mërkurën në mbrëmje në rajonin e Parisit, ka njoftuar zyra e Beccuau.

I dyshuari kryesor është midis të arrestuarve, ka raportuar Agence France Press (AFP). 

Arrestimet e reja vijnë pasi dy burra të arrestuar javën e kaluar në lidhje me vjedhjen e rëndë "e pranuan pjesërisht" përfshirjen e tyre.

Stolitë me vlerë rreth 90 milionë euro u vodhën nga muzeu më i vizituar në botë më 19 tetor, kur katër hajdutë hynë me forcë në ndërtesë në mes të ditës.

Stolitë nuk janë rikthyer ende dhe banda e përfshirë mund të jetë më e madhe se katër personat e kapur nga kamerat e sigurisë, ka thënë Beccuau të mërkurën.