Një person është arrestuar në orët e para të së enjtes në Prishtinë për armëmbajtje pa leje.
I dyshuari, 30 vjeç, është dërguar në stacionin policor dhe më pas në mbajtje. Ndaj tij është iniciuar rast për veprën penale “Mbajtje në pronësi, kontroll dhe posedim i paautorizuar i armëve”.
“Me datë 07.08.2025 rreth orës 01:30, njësitë policore të stacionit Veriu në Prishtinë, kanë ndaluar një person në rrugën Mon Balaj, ku të njëjtit pas kontrollit i është gjetur dhe sekuestruar një armë zjarri”, thuhet në raportin e PK-së.