Një person është arrestuar në Prishtinë nën dyshimet për posedim dhe shitblerje të substancave narkotike, si dhe armëmbajtje pa leje.
Sipas raportit 24-orësh të Policisë, njësiti i Drejtorisë për Hetimin e Narkotikëve, pas një pune operative dhe hetimore, ka ndaluar një veturë me targa vendore më 17 qershor, rreth orës 19:00. Vetura drejtohej nga një person i dyshuar – mashkull, shtetas i Kosovës – për aktivitet të dyshuar kriminal në fushën e narkotikëve.
Gjatë kontrollit në veturë, tek i dyshuari është gjetur një sasi e kokainës me peshë 0.4 gram, 380 euro para të gatshme dhe një telefon. Pas arrestimit të tij, me urdhër të prokurorit, është bastisur banesa e të dyshuarit.
Gjatë bastisjes janë gjetur dhe sekuestruar 45.6 gram kokainë, një armë zjarri me dy karikatorë, 9 fishekë të kalibrit 9 mm, 8 fishekë të kalibrit 7.65 mm, një peshore digjitale, një DVR i kamerave të sigurisë dhe një telefon shtesë.
Pas intervistimit, i dyshuari është dërguar në mbajtje.
-
Arrestohet një person në Prishtinë për posedim dhe kultivim të marihuanës
-
Arrestohen dy persona për narkotikë e armëmbajtje pas hetimit disamujorë të Policisë
-
Operacioni anti-drogë çon në arrestimin e 4 personave, një për krime kibernetike
-
Dy aksione të Policisë në rajonin e Prishtinës, konfiskohen narkotikë e mijëra euro
-
Arrestohet një i dyshuar për narkotikë, Policia i gjen edhe një bombë