Manchester City do të jetë në Ligën e Kampionëve edhe në edicionin e ardhshëm. Një edicion të vështirë, skuadra e Pep Guardiolas e përfundoi me fitore.
Të dielën në kuadër të xhiros së 38-të, përkatësisht të fundit të Premier Leagues, City fitoi 2:0 në udhëtim ndaj Fulhamit. Kjo fitore i mundësoi që të përfundojë në vendin e tretë me 71 pikë dhe të kualifikohet për garën elitare evropiane. Fulhami përfundon në mesin e tabelës me 54 pikë.
City mbeti pa trofe, por megjithatë u kualifikua në Champions.
Ilkay Gundogan shënoi golin e parë në minutën e 21-të. Për 2:0 realizoi Erling Haaland në minutën e 72-të.
Titullin e kampionit të Anglisë shumë më herët e siguroi Liverpooli, që përfundoi kampanjën me 84 pikë. Nënkampion është Arsenali me 74 pikë. Në Champions janë kualifikuar edhe Manchester City, Chelsea dhe Neëcastle, si dhe Tottenhami si fitues i Ligës së Evropës.
Nga Premier League largohen Leicesteri, Ipsëichi dhe Southamptoni.
Të dielën në xhiron e fundit, Liverpooli luajti 1:1 me Crystal Palacen, ndërsa Arsenali fitoi 2:1 ndaj Southamptonit.
