Arsenali ka mposhtur 3:0 Fulhamin në xhiron e 35-të në Premier League për të marshuar në garën për titull kampioni në Angli.
Dy gola i shënoi Viktor Gyokeres e një tjetër Bukayo Saka për fitoren që pos pikëve i forcon “Topçinjtë” edhe në garën për golaverazh.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoArsenali tani ka 76 pikë në pozitën e parë të Premier Leagues. Manchester City e ndjek me 70 pikë, por me dy ndeshje më pak të zhvilluara.
E në rast se City fiton dy ndeshjet e mbetura gara për titull rrezikon të vendoset edhe me goldiferencë. Falë kësaj fitoreje, Arsenali tani ka goldiferencë prej 41 golash, ndërsa City me dy ndeshje më pak, ka goldiferencë prej 37 golash.
Deri në fund, Arsenali i ka edhe tri ndeshje.
Gyokeres hyn në listën e debutuesve më të mirë tek Arsenali
Sulmuesi suedez Viktor Gyokeres ka arritur të futet në tre lojtarët me debutimin më të mirë tek Arsenali.
Ai është bërë vetëm futbollisti i tretë që në një sezon debutues për “Topçinjtë” ka shënuar 20 gola e më shumë.
Të shtunën ai shënoi dy gola në fitoren 3:0 ndaj Fulhamit në Premier League në xhiron e 35-të. Mbërriti në shifrën prej 14 golave në Premier League.
Ai ka shënuar edhe pesë gola në Ligën e Kampionëve dhe dy gola të tjerë në kupa.
Krahas 21 golave, Gyokeres ka edhe tri asistime.
E më mirë se Gyokeresi kanë qenë vetëm Thierry Henry në sezonin 1999/2000 me 26 gola e Alexis Sanchez në sezonin 2014/15 me 25 gola.
“Topçinjtë”, që janë në garë për titull kampioni në Angli dhe Champions, e transferuan Gyokeresin nga Sportingu i Lisbonës gjatë verës.