Evertoni ka njoftuar se katër nga pesë lojtarët, përfshirë edhe sulmuesin e Shqipërisë, Armando Brojën, që i kanë pasur në huazim këtë sezon, do të kthehen te klubet e tyre.
Broja është lojtar i Chelseat, por u huazua në fillim të edicionit 2024/2025 te skuadra e Evertonit.
“Dëshirojmë t’i falënderojmë të gjithë lojtarët tanë të huazuar, të cilët kanë kontribuar në hapat pozitivë që kemi bërë në fushë. Qëndrimi e përkushtimi i tyre gjatë gjithë kohës në Everton ishte i nivelit të lartë”, ka thënë trajneri i Evertonit, David Moyes.
Broja 23- nuk shënoi asnjë gol për Evertonin në 11 paraqitje. Ai për kohë të gjatë mungoi shkaku lëndimeve.
Broja me Chelsean ka kontratë deri në vitin 2028.
