-
Përktheu:
Flutura Gashi-Mehmeti
- 18 dhjetor 2024 16:19
- Shpërndaje në:
Kryeministri populist i Sllovakisë, Robert Fico, ka thënë të mërkurën se Ukraina nuk do të ftohet për t'u anëtarësuar në NATO dhe Rusia nuk do të tërheqë trupat e saj nga gadishulli i okupuar i Krimesë ose pjesë të tjera të Ukrainës.
“Ukraina nuk do të ftohet në NATO. Do të humbasë një të tretën e territorit të saj. Aty do të ketë forca të huaja ushtarake”, ka deklaruar Fico, raporton AP.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDuke folur në Komisionin Parlamentar për Çështjet Evropiane të mërkurën, Fico e ka pranuar se Rusia ka shkelur ligjin ndërkombëtar duke pushtuar Ukrainën, por ka fajësuar kryesisht Perëndimin për shtyrjen e Ukrainës "në një situatë të keqe".
Ai ka folur përpara udhëtimit të tij në një samit të BE-së në Bruksel.
I njohur për pikëpamjet e tij pro-ruse, Fico i ka dhënë fund ndihmës ushtarake të vendit të tij për Ukrainën dhe kundërshton sanksionet e BE-së ndaj Rusisë.
Presidenti ukrainas, Volodymyr Zelensky, ka kërkuar vazhdimisht ftesën nga NATO-ja për t'ju bashkuar aleancës veriatlantike, mirëpo shtetet anëtare po hezitojnë të ndërmarrin një veprim të tillë, me frikën se mund të përfshihen në konflikt.