-
Përktheu:
Flutura Gashi-Mehmeti
- 3 nëntor 2025 14:15
- Shpërndaje në:
Një kullë mesjetare në zemër të kryeqytetit të Italisë, pranë rrënojave të famshme të Forumit Romak, është shembur pjesërisht të hënën, gjatë punimeve për rinovimin e strukturës, duke lënduar rëndë të paktën një punëtor, raportuan mediat italiane.
Tre punëtorë janë shpëtuar ndërsa njëri ka mbetur i bllokuar brenda strukturës, ka raportuar gazeta Corriere della Sera.
Gjatë operacionit të shpëtimit nga zjarrfikësit, një pjesë tjetër e kullës është shembur, duke shkaktuar shumë pluhur dhe mbeturina.
Dramatic scenes in Rome as mediaeval landmark Torre di Conti partially collapses.pic.twitter.com/dcfkI8TtsL
— Wanted in Rome (@wantedinrome) November 3, 2025
Zjarrfikësit që ndodheshin në një të lëvizshme zbritën shpejt kur ndodhi shembja shtesë.
Torre dei Conti u ndërtua në shekullin e 13-të nga Papa Innocent III si një vendbanim për familjen e tij.
Kulla ishte dëmtuar në një tërmet të vitit 1349 dhe kishte pësuar shembje të mëvonshme në shekullin e 17-të.
Mediat italiane raportojnë se në vendngjarje ishin si kryebashkiaku i Romës, Roberto Gualtieri, ashtu edhe ministri italian i Kulturës, Alessandro Giuli.