Kryeministri i Izraelit, Benjamin Netanyahu, ka deklaruar të mërkurën se njëri prej pilotëve të aeroplanit që po udhëtonte nga Dubai drejt Izraelit, kishte goditur me thikë pilotin tjetër dhe ishte përpjekur po ashtu të rrëzonte avionin.
Në një deklaratë të lëshuar disa orë pas rastit, Netanyahu ka thënë se piloti sulmues është arrestuar dhe po merret në pyetjet nga autoritetet saudite.
“Njëri prej pilotëve e goditi me thikë pilotin tjetër dhe, me sa duket, u përpoq ta rrëzonte avionin bashkë me pasagjerët e tij. Fola me një prej pasagjerëve izraelitë, i cili më tha se avioni kishte nisur të rrotullohej dhe filloi të humbiste lartësi. I përshëndes këta heronj, të cilët treguan zgjuarsi dhe guxim të jashtëzakonshëm. Të gjithë pasagjerët janë jashtë rrezikut. Piloti sulmues u arrestua dhe aktualisht po merret në pyetje nga autoritetet saudite”, ka deklaruar Netanyahu.
Mediat izraelite kanë raportuar gjatë ditës se piloti që kishte tentuar të rrëzonte avionin ishte nga Omani.
Përleshje mes pilotëve në fluturimin Dubai-Izrael, avioni devijon drejt Arabisë Saudite
Një avion që udhëtonte drejt Izraelit nga Emiratet e Bashkuara Arabe, ka devijuar drejt Arabisë Saudite...-
Dy bashkëpilotët e fluturimit Dubai-Izrael po trajtohen në spital
-
Avioni Dubai-Izrael ka rënë me shpejtësi prej mbi 5.000 metrash brenda dy minutash
-
Njëri nga pilotët e “FlyDubai” tentoi të rrëzonte avionin, raportojnë mediat izraelite
-
Një tjetër fluturim nga Dubai drejt Izraelit kthehet mbrapsht
-
Përleshje mes pilotëve në fluturimin Dubai-Izrael, avioni devijon drejt Arabisë Saudite