Mbështete KOHËN. Ruaje të vërtetën
Botë

Njëri nga pilotët e “FlyDubai” tentoi të rrëzonte avionin, raportojnë mediat izraelite

Avioni

Mediat lokale izraelite raportojnë se njëri nga pilotët e avionit "FlyDubai" i cili të mërkurën në mëngjes ka devijuar fluturimin drejt Arabisë Saudite, ishte nga Omani, ndërsa tjetri nga Emiratet e Bashkuara.

Sipas mediave, bashkëpiloti nga Omani ka tentuar të rrëzojë avionin, teksa pasi aeroplani ka bërë ulje emergjente në Arabinë Saudite, ai është marrë në pyetje nga autoritetet, ndërsa në hetime është përfshirë edhe Izraeli.

Një hetim po zhvillohet për të përcaktuar se çfarë e shkaktoi incidentin në fluturim. 

Mediat në Tel Aviv raportojnë po ashtu se autoritetet po shqyrtojnë gjithashtu nëse motivi ishte rrëzimi i avionit në kuadër të një sulmi terrorist.

Raportohet po ashtu se kryeministri izraelit, Benjamin Netanyahu, ka anuluar një vizitë në Izraelin jugor për të marrë pjesë në diskutime mbi sigurinë.

Lexo përditësimet tjera
Avioni

Përleshje mes pilotëve në fluturimin Dubai-Izrael, avioni devijon drejt Arabisë Saudite

Një avion që udhëtonte drejt Izraelit nga Emiratet e Bashkuara Arabe, ka devijuar drejt Arabisë Saudite...