Një tjetër fluturim nga Dubai drejt kryeqytetit izraelit, Tel Aviv, është kthyer mbrapsht, raportojnë mediat izraelite.
Arsyeja për kthimin nuk është ende e qartë.
Kjo vjen pasi një avion i “FlyDubai” i cili po fluturonte nga Dubai drejt Tel Aviv mëngjesin e së mërkurës, është detyruar të aterojë në Arabinë Saudite, një vend me të cilin Izraeli nuk ka marrëdhënie diplomatike.
Devijimi ka ndodhur për shkak se siç raportohet, dy bashkëpilotët janë përleshur, pasi njëri prej tyre, që besohet se ishte nga Omani, ka tentuar ta rrëzojë avionin.
Por ekuipazhi i avionit ka kërkuar ndihmën e pasagjerëve, të cilët kanë ndërhyrë për ta neutralizuar pilotin.
“FlyDubai” e ka konfirmuar se ka pasur përleshje mes bashkëpilotëve, teksa janë raportuar edhe pamje të një personi me një bluzë me gjak brenda avionit.
