Shtabi zgjedhor i Lëvizjes Vetëvendosje në Prishtinë ka reaguar ndaj vendimit të PZAP-it për dënimin e kësaj partie, për shkak shfrytëzimit të hapësirave publike për fushatë zgjedhore, të cilin vendim VV e ka quajtur absurd.
Sot PZAP njoftoi se e ka dënuar VV-në me 5100 euro për vendosjen e kiosqeve në shesh.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoReagimi i Vetëvendosjes:
Shtabi zgjedhor i Lëvizjes Vetëvendosje në Prishtinë, e cilëson absurd dënimin që PZAP-ja ia shqiptoi Lëvizjes për shkak të vendosjes së tendës për distribuimin e materialit zgjedhor në shesh.
Kjo formë e fushatës është e lejuar në të gjitha vendet demokratike dhe këtë instrument të shpërndarjes së materialeve zgjedhore dhe komunikimit me qytetarë organizata jonë e ka përdorur gati në secilën fushatë deri sot. Është e pa kuptimtë se si vendosja e pikave informuese, befasisht pas 3-4 fushatave, konsiderohet shkelje e kodit zgjedhor nga ana e PZAP-së.
Ne i kemi njoftuar me kohë të gjitha organet kompetente për këtë çështje, dhe posedojmë të gjithë dokumentacionin e nevojshëm për vendosjen e pikave informuese.
Këtë vendim të PZAP-së, do ta ankimojmë në Gjykatë Supreme.