Presidentja Vjosa Osmani ka deklaruar në Washington D.C. të premten se mbështetja e partnerëve dhe aleatëve në rrugën e Kosovës drejt institucioneve euroatlantike është jetike.
Ajo ka shkruar në Facebook për një diskutim me diplomatë e ekspertë në “Atlantic Council”.
“Gjatë vizitës në Washington D.C., kishim një tryezë diskutimi me diplomatë dhe ekspertë lidhur me synimet strategjike të politikës së jashtme të Kosovës, përfshirë anëtarësimin në NATO, si dhe përkushtimin për forcimin e aleancës sonë me Shtetet e Bashkuara. Në rrugën e Kosovës drejt institucioneve euroatlantike, mbështetja e partnerëve e aleatëve tanë është jetike”, ka shkruar Osmani, që po qëndron në SHBA qe disa ditë.
Ajo ka takuar ndihmëssekretarin e Shtetit, ndërkaq në një ligjëratë të mbajtur ka thënë se së fundmi presidenti amerikan, Donald Trump, ka parandaluar një përshkallëzim të situatës në Kosovë.
-
Osmani në takim me Prattipatin: Theksova rëndësinë e pranisë së KFOR-it në Kosovë
-
Osmani: Aleanca me SHBA-në mbetet boshti i pathyeshëm
-
Osmani: Do të angazhohem me administratën Trump për ta ruajtur dhe mbrojtur aleancën tonë
-
Osmani: SHBA-ja e përkushtuar për anëtarësimin e plotë të Kosovës në OKB
-
Presidentja paralajmëron kapituj të rinj të bashkëpunimit strategjik me SHBA-në