Kryetari i Partisë Demokratike të Kosovës (PDK), Bedri Hamza, ka thënë se partia e tij mund të rikthehet në Kuvend nëse paraqitet nevoja, pas zhvillimeve të fundit në Gjykatën Speciale.
PDK-ja e ka dërguar në Gjykatën Kushtetuese çështjen e konstituimit të Legjislaturës së 11-të dhe formimit të Qeverisë Kurti 4, ndërsa kishte deklaruar bojkot të punës së Kuvendit.
Megjithatë, pas mbledhjes së Kryesisë së partisë, Hamza ka thënë se dënimi i ish-drejtuesve të UÇK-së nga Gjykata Speciale ka ndryshuar rrethanat dhe se tashmë kjo çështje është prioritet.
“Kur ndërrojnë rrethanat, duhet të ndërrojë edhe qëndrimi ynë. Edhe ndërrojnë prioritetet. Mendoj që prioritet më të madh për këtë situatë nuk ka sesa ne si shtet të veprojmë në përputhje me interesat e shtetit”, ka thënë Hamza.
Ai ka theksuar se reagimi duhet të lidhet jo vetëm me ish-eprorët e UÇK-së, por edhe me interesat e shtetit dhe të ardhmen e tij.
“Jo vetëm të atyre personaliteteve, ish-eprorëve të Ushtrisë Çlirimtare të Kosovës, por mbi të gjitha edhe për interesat e shtetit, për historinë, për të kaluarën, por edhe për të ardhmen e shtetit. Prandaj, në bazë të rëndësisë së rrethanave, ne do të sillemi në atë mënyrë. Nëse ka nevojë, do të jemi në Kuvend”, ka deklaruar ai.
Zhvillimet një ditë pas dënimit të ish-krerëve të UÇK-së nga Specialja
-
Hamza paralajmëron takim me kryetarët e partive: Besoj në bashkëpunim
-
Hamza: Të gjitha veprimet demokratike dhe ligjore janë të mundshme
-
Hamza: Kosova të mos mbetet pa kuvend, 16 shtatori datë tepër e rëndësishme
-
Hamza: PDK-ja do të veprojë që ligjshmëria të rikthehet
-
Hamza: Kurti adresa nëse shkojmë në zgjedhje, s’i përjashtojmë protestat