Bedri Hamza, kryetar i Partisë Demokratike të Kosovës, ka thënë se nëse Gjykata Speciale nuk i respekton vendimet e Kuvendit të Kosovës, atëherë duhet të ketë shfuqizim të marrëveshjeve ndërkombëtare.
Në një deklaratë për media, Hamza është pyetur për komentet se ligji i propozuar nga PDK-ja nuk i ndihmon fare të dënuarit nga Specialja.
“Unë e them që çdo ligj që aprovohet në procedurë të rregullt në Kuvend, është i obliguar të zbatohet. Nëse ka ndonjë institucion, në këtë rast edhe gjykatat brenda Dhomave të Specializuara, duke e përfshirë Gjykatën Kushtetuese që injoron Kuvendin e Kosovës, një ligj të aprovuar në Kuvend, jam i bindur se Kuvendi duhet të shkojë edhe një hap tutje e kjo nënkupton edhe shfuqizimin e marrëveshjeve ndërkombëtare”, ka thënë ai.
Specialja është krijuar me marrëveshje ndërkombëtare të Kosovës me Bashkimin Evropian.
PDK-ja ka propozuar ndryshime të ligjit. Bazuar në të, gjykata duhet të trajtojë vetëm krimet e supozuara që ndërlidhen me heqjen e organeve dhe që pretendohet se kanë ndodhur pas lufte, nga 1 korriku i vitit 1999 deri më 31 dhjetor të vitit 2000.
Justina Shiroka-Pula presidente e re e Kosovës
-
Hamza kërkon nga presidentja Shiroka-Pula dekretimin e Ligjit për Specialen
-
Hamza: Ditë e vlefshme, kaloi ligji dhe vendi do të ketë stabilitet institucional
-
Hamza: S’ka takim për presidentin pa u miratuar në lexim të dytë Ligji për Specialen
-
PDK-ja kërkon seancë urgjente për miratimin e Ligjit për Specialen
-
Hamza: Mungesa e vullnetit politik nga VV-ja për ligjin, kontribut për destabilizim