Mbikëqyrësi i privatësisë i Koresë së Jugut ka gjobitur kompaninë e rrjeteve sociale, Meta, me 15 milionë dollarë për mbledhjen e paligjshme të informacioneve personale të ndjeshme nga përdoruesit e Facebookut.
Kjo vjen pas një serie ndëshkimesh kundër Metas nga autoritetet e Koresë së Jugut në vitet e fundit ndërsa ashpërsojnë masat për mënyrën se si kompanitë merren me informacionet personale.
Komisioni për Mbrojtjen e Informacionit në Korenë e Jugut pas një hetimi 4-vjeçar konkludoi se Meta paligjshëm mblodhi të dhëna të ndjeshme për rreth 980 mijë përdorues të Facebookut, përfshirë për fenë, pikëpamjet politike dhe orientimin seksual.
Ka thënë se kompania shpërndau të dhënat e rreth 4,000 përdoruesve.
