Skuadra e Tottenhamit po insiston në transferimin e mesfushorit të Juventusit, amerikani Weston McKennie. Lajmi është bërë i ditur të mërkurën nga “Sky Sports”.
Te Tottenhami janë të vendosur për ta bindur Juventusin në lirimin e McKenniet, pasi po kërkohet me ngulm nga trajneri Antonio Conte. Për kartonin e 23-vjeçarit Juventusi po kërkon të paktën 40 milionë euro.
Tottenhami gjatë kësaj jave pritet të bëjë ofertë zyrtare për amerikanin, i cili ka kontratë me ekipin italian deri në vitin 2025. McKennie iu bashkua Juventusit para dy vjetësh nga Schalke për 25 milionë euro.
Artikuj të ngjashëm