Paris Saint-Germain ka përgatitur listën e lojtarëve që do t’i shesë gjatë kësaj vere.
Sipas “Le Parisien”, trajneri Christophe Galtier ka analizuar lojtarët në përgatitjet parasezonale dhe ka përgatitur listën e lojtarëve që nuk llogarit për edicionin e ri.
Trajneri Galtier thuhet se dëshiron shitjen e 11 futbollistëve këtë verë.
Lojtarët që pritet të largohet nga kampioni francez janë: Georginio Wijnaldum, Ander Herrera, Idrissa Gueye, Layvin Kurzawa, Abdou Diallo, Leandro Paredes, Danilo Pereira, Junior Dina Ebimbe, Julian Draxler, Mauro Icardi dhe Thilo Kehrer.
Klubi francez me shitjen e këtyre lojtarëve po synon të përfitojë rreth 200 milionë euro.
