Napoli ka shprehur interesim për mesfushorin e Tottenhamit, francezin Tanguy Ndombele.
“Calciomercato” ka shkruar të mërkurën se Napoli ka kontaktuar ekipin anglez në lidhje me transferimin e mesfushorit. Ndombele është nxjerrë në shitje nga Tottenhami dhe ekipi anglez për lirimin e tij po kërkon të paktën 30 milionë euro.
25-vjeçari te Napoli po shihet si zëvendësim ideal për Fabian Ruizin, i cili pritet t’i bashkohet Paris Saint-Germainit. Ndombele sezonin e shkuar ishte i huazuar te Lyoni, ndërsa ka kontratë me Tottenhamin deri në vitin 2025. Krahas Napolit, interesim për Ndombelen ka shfaqur edhe Villarreali.
