Përfaqësuesja U17 e Kosovës në futboll po humb nga Italia pas pjesës së parë të ndeshjes që po luhet në stadiumin “Fadil Vokrri” në Prishtinë.
Kjo ndeshje i takon fazës së parë kualifikuese për Evropianin e vitit të ardhshëm të kësaj gjenerate.
Kosova bën pjesë në Grupin 8, ndeshjet e të cilit do të luhen në vendin tonë. Pas 45 minutave të para, Italia është në epërsi 1:0, me golin e shënuar nga mesfushori Simone Pafundi që shënoi në minutën e 26-të.
Ndërkohë, në duelin tjetër i këtij grupi që u zhvillua më herët në stadiumin “Zahir Pajaziti”, Finlanda e mposhti Greqinë me shifrat 2:1.
