Trajneri i Trepçës ’89, Shpëtim Idrizi ka përgëzuar futbollistët e tij për angazhimin që e treguan në ndeshjen ndaj Ballkanit.
89-shi u mposht në udhëtim nga Ballkani me rezultatin 2:0 të enjten.
Idrizi pas ndeshjes ka deklaruar se ekipi i tij u mbajt mirë në pjesën e parë.
“Mendoj se në pjesën e parë, reaguam mirë dhe u munduam t’i mbulojmë të gjitha hapësirat ku sulmon Ballkani. Këtë e bëmë mirë dhe mendoj se duhet përgëzuar ekipit, ndërsa në të dytën u ndëshkuam herët nga një gabim. Jam i kënaqur me angazhimin, lojtarët treguan karakter dhe nuk u dorëzuan për asnjë moment”, ka thënë ai. “Po ashtu, nuk është se dua të ankohem për referimin, por u akordua një penallti pas tre minutave. Kjo është e tepërt dhe nuk është hera e parë që po këto gjëra po i ndodhin Trepçës ’89 nga referat, pasi një penallti e tillë u akordua edhe në ndeshjen ndaj Gjilanit”.
