Trajneri i Trepçës ’89, Shpëtim Idrizi, ka pranuar dëshpërimin për shkak të humbjes së thellë nga Ballkani. Skuadra mitrovicase pësoi 7:2.
Idrizi ka thënë se ka ndikuar mungesa e gjashtë lojtarëve të përbërjes bazë.
“Mungesa e gjashtë lojtarëve standardë e bëri të veten. Fillimi ishte i mirë, deri te goli i parë. U thyem në golin e parë. U munduam të marrim një pikë me kundërsulme. Është humbje dëshpëruese, por duhet të gjejmë forcë për të vazhduar para. Te goli i tretë përfundoi gjithçka. Të kthehesh prej 3:0 ndaj Ballkanit për të gjitha ekipet tona është gati e pamundur. U munduam të mos pranojmë më gola, por morëm edhe katër gola të tjerë”, ka theksuar Idrizi.
Ai ka thënë se gara do të vazhdohet.
“Objektivi ynë i madh është mbetja në Superligë dhe do të vazhdojmë para. Duhet t’i qasemi ndeshjeve të ardhshme me seriozitetin maksimal. Jo se sot nuk ishte serioziteti, por mungesat e shumta e bënë të vetën”, ka theksuar trajneri mitrovicas.
Edhe
Idrizi thotë se pësuan gola nga gabime individuale
Trepça '89 po lufton për mbijetesë. Radhitet e teta në tabelë.
