Trajneri i Trepçës ’89, Shpëtim Idrizi ka thënë se ekipi tij pësoi disfatë nga Prishtina pas gabimeve individuale.
“Golat i morëm me gabimet tona individuale. Nuk është dashur të bëjmë gabime të tilla, pasi Prishtina ka skuadër dhe individ që dinë të dënojnë. U munduam të bëjmë ndryshime, por ishte e pamundur të rikthehemi pas katër golave të pësuar në pjesën e parë. Shënuam një gol, por ishte e pamundur. Patëm edhe tri mungesa të rëndësishme. Na mbetet të koncentrohemi në objektivin tjetër. Objektivi jonë është Superliga”, ka thënë Idrizi.
Në Ligën e Parë, Trepça ’89 renditet e treta me 27 pikë, pesë më pak se lideri Suhareka dhe katër më pak se vendi i dytë Dinamo Ferizaj.
