Senad Gashi e Faton Vukshinaj të shtunën mbrëma kanë humbur meçet më të rëndësishme në karrierën e tyre të deritashme.
Senad Gashi në Afrikë të Jugut boksoi për titullin e përkohshëm të botës në versionin WBC në kategorinë bridger.
Ai u mposht me vendim unanim pas 12 raundeve nga boksieri jugafrikan Kevin Lerena.
Për Gashin 33-vjeçar ishte humbja e katërt në karrierë, ndërsa i ka 27 fitore (26 KO).
Të tre anëtarët e jurisë e vlerësuan Lerenan fitues (117:110, 114:113 dhe 118:109).
Edhe
Gashi bokson për titull të përkohshëm të botës në kategorinë bridger
Ndërkohë në Gjermani, Faton Vukshinaj pësoi humbjen e parë në karrierë. Ai u mposht me vendim unanim nga italiani Etinosa Oliha në meçin për titull bote në versionin IBO në kategorinë e mesme.
Vukshinaj kishte udhëtuar me shpresë të madhe në Gjermani, por ai nuk arriti ta fitojë titullin e botës. Të tre gjyqtarët e panë Olihan dukshëm fitues (117:111, 117:111 dhe 118:110). Vukshinaj karrierën e zhvillon në Zvicër, ndërsa tash ka bilanc prej 16 fitore (11 KO), një humbje e dy barazime.
