Skuadra basketbollistike Ponte Prizreni ka njoftuar se ka arritur marrëveshje për transferimin e talentit të Prishtinës, Meriton Ismaili.
Ismaili ka nënshkruar me Ponten kontratë njëvjeçare, me mundësi vazhdimi edhe për një tjetër.
“Meriton Ismaili 195 cm së fundi ka qenë pjesë e Sigal Prishtinës, i njëjti është i rregullt edhe në përfaqësuesen A në basketboll”, thuhet në njoftimin e Pontes të shtunën.
Ky është transferi i parë për sezonin e ri nga skuadra që udhëhiqet nga Arbnor Rifati, të cilët kanë paralajmëruar ardhje të tjera të mëdha.
Ismaili ishte zhvilluar si basketbollist te Prishtina, ndërsa largimi i tij ka lënë opinionin basketbollistik të kryeqytetit të befasuar.
