Sturm Grazi do të bëj ndryshime të mëdha në afatin kalimtar të verës, dhe para ndeshjes së fundit në shtëpi kundër LASK-ut, ka njoftuar për shtatë largime nga skuadra.
Në mesin e tyre është edhe sulmuesi Albian Ajeti. 26-vjeçari iu bashkua skuadrës së elitës austriake të futbollit në gusht të vitit të kaluar në formë huazimi nga Celticu.
Sturm Grazi e pati opsionin e blerjes së tij, por nuk e ka shfrytëzuar. Ajeti është futbollist i Celticut dhe ka kontratë me skuadrën skoceze deri në vitin 2024.
Ajeti në Bundesligën austriake në këtë edicion ka shënuar tri gola dhe pati një asistim në 15-të paraqitje.
Sturm Grazi ka siguruar paraqitjen në kualifikimet e Ligës së Kampionëve. Zuri vendin e dytë në kampionat me 39 pikë.
