Clooney: Asgjë nuk të bën të dukesh më i moshuar se kur je 63 vjeç dhe i lyen flokët

Në paraqitjen e tij më të fundit në teatër për shfaqjen “Good Night, and Good Luck”, aktori i njohur George Clooney i ka habitur të gjithë me flokët e tij të lyer krejtësisht të zeza. 

Por përse vendosi ta bëjë këtë? Në fund të fundit, shumica e aktorëve në teatër thjesht vendosin një paruke, është më praktike, më e lehtë për mirëmbajtje, dhe ndihmon që flokët të mos dëmtohen nga ngjyrosjet e përditshme, sipas “The Cut”.

Por Clooney nuk e zgjodhi atë rrugë. Dhe e di shumë mirë që ngjyra e zezë e flokëve e bën të duket më plak, jo më i ri. Vetë ai e ka pranuar disa herë publikisht.

“Gruaja ime do ta urrejë këtë, sepse asgjë nuk të bën të dukesh më plak sesa kur një burrë i moshuar lyen flokët”, ka thënë ai në një intervistë për “The New York Times”.

Po ashtu, në një intervistë për “CBS Mornings”, ai u shpreh sërish në të njëjtën kontekst.

VIDEO:

Edhe Showbiz 15 dhj 2025 George Clooney nuk do të puthet më me vajza nëpër filma

“Sinqerisht, asgjë nuk të bën të dukesh më i moshuar se kur je 63 vjeç dhe i lyen flokët”, ka thënë aktori.

Madje ai ka shtuar me humor se Amal Clooney, bashkëshortja e tij, e quan gjithë këtë “qesharake” dhe se edhe fëmijët e tij thjesht qeshin pa pushim sa herë e shohin.