Gisele Bündchen kërkon që bota të jetë me “e sjellshme”

Supermodelja Gisele Bündchen ka postuar një fotografi në Instagram përmes së cilës ka kërkuar që njerëzit e botës të jenë më të sjellshëm dhe më të ndjeshëm ndaj njëri-tjetrit, raporton “People”.

“Këdo që takojmë është përballur ose po përballet me sfida në jetë për të cilat nuk dimë asgjë. Ne nuk shohim mundimet e heshtura, frikën, pengesat, zemrat e thyera, apo ngritjet dhe rëniet e përditshme... Ndërsa ndjekim rutinën tonë të përditshme, mund të na mungojë të shohim dikë që ka nevojë për një fjalë ose gjest të thjeshtë e dashamirës. Besoj se një akt mirësie ngjall më shumë dashamirësi dhe kjo është ajo që na duhet më shumë në botë sot”, ka shkruar modelja.

Gjatë muajit shtator 43-vjeçarja pati treguar për vështirësitë që po kalonte në jetën e përditshme, për kujdesin ndaj prindërve e fëmijëve dhe për divorcin nga ish-bashkëshorti, ylli Tom Brady.

“Ka qenë shumë e vështirë për familjen time. Ka qenë shumë rëndë në çdo fushë të jetës sime. Ndihem sikur sa herë që bie shi, bie breshër. Me të gjitha kthesat e ndryshme që merr jeta, gjithçka që mund të bëjmë është më e mira që mund të japim nga vetja për atë që ndodh në rrethin tonë”, ka thënë ajo për “People”.

Çifti që u martua në vitin 2009, finalizoi procesin e divorcit në vitin 2022 dhe ka fëmijët Vivian 10 vjeçe dhe Benjamin 13 vjeç.