Kalimi i viteve nuk lë shenja vetëm në fytyrën e njeriut por edhe në zona të tjera të trupit të cilat do t’i mësoni më poshtë në këtë artikull.
Duart
Duart janë ndër të parat që preken nga shenjat e moshës dhe kjo vërehet më shumë tek gratë.
Ndryshimet hormonale shkaktojnë humbje të elasticitetit të lëkurës dhe dobësimi i saj shkakton daljen në pah të damarëve.
Duart janë më të predispozuara të preken nga njollat e diellit sepse pothuajse kurrë nuk lyhen me krem mbrojtës.
Edhe
Sytë e thatë gjatë menopauzës, një problem që gratë nuk duhet ta neglizhojnë
Sytë
E qeshura është e dobishme për shëndetin por shkakton shumë rrudha.
Lëkura përreth syve hollohet më shumë dhe e qeshura, ekspozimi në diell apo vrenjtja në fytyrë rrit predispozitat e rrudhave.
Buzët
As buzët nuk arrijnë t’i shpëtojnë dot njollave dhe shenjave të moshës.
Pas syve dhe ballit, rrudhat shfaqen në zonën e buzëve.
Në shfaqjen e tyre luan rol ekspozimi në diell por edhe mbledhja e buzëve nga përdorimi i pipave dhe shisheve kur pini ujë apo lëngje.
Balli
Shprehitë e fytyrës lënë gjurmë edhe tek balli.
Ky i fundit është ndër zonat e para të fytyrës që preket nga rrudhat.
Ekspertët rekomandojnë kolagjen dhe solucione për heqjen e qelizave të vdekura për zbardhjen dhe zbutjen e lëkurës.
Qafa
Zona e qafës duhet mbrojtur me krem kundër diellit.
Edhe
Tri gjëra që duhet t’u kushtoni vëmendje ndërsa plakeni
Në mungesë të mbrojtjes, qafa humbet elasticitetin, lëkura poshtë mjekrës varet dhe me kalimin e moshës formohen rrudhat.
Kraharori
Ekspozimi në diell shkakton çngjyrosje të zonës së kraharorit, njolla dhe rrudha.
Ekspertët rekomandojnë përdorimin e kremrave me faktor mbrojtës mbi 30 që përmbajnë dioksid zinku.
Gjunjët
Gjunjët kanë tendencën të preken nga njollat dhe shenjat e moshës.
Përveç aplikimit të eksfoliantëve, ekspertët rekomandojnë përdorimin e kremrave hidratues dhe me faktor të lartë mbrojtës.
Bërrylat
Bërrylat përbëhen nga kryesisht kocka dhe nuk kanë depozita yndyrore apo muskuj për të qëndruar të fryrë.
Ekspertët rekomandojnë përdorimin e kremrave zbutës me acid salicilik tek bërrylat.
Flokët
Për shumë njerëz, 30 vjetori vjen me shfaqjen e thinjave.
Edhe
A po iu plak lëkurën jastëku?
Ky fenomen përkeqësohet më shumë pas të pesëdhjetave.
Për më tepër, me kalimin e moshës, skalpi prodhon më pak yndyrë duke e përtharë kështu flokun në tërësi./AgroWeb.org
