Një lugë vaj ulliri në ditë ul rrezikun e vdekjes nga demenca

Sipas një studimi të ri përdorimi i një luge të madhe me vaj ulliri çdo ditë mund të ulë rrezikun e vdekjes nga sëmundja e demencës. 

Studimi ku morën pjesë 90 mijë të rritur mbi moshën 38 vjeç, u  publikua në “Jama Netrwork Open” dhe u realizua nga Universiteti i Harvardit, shkruan Times Of India.

Shkencëtarët gjetën se pjesëmarrësit që konsumuan të paktën 7 gramë vaj ulliri çdo ditë, (pak më shumë se gjysma e një loge gjelle) patën 28 për qind më pak rrezik të vdesin nga demenca, krahasuar me pjesëmarrësit që e konsumonin vajin rrallë apo asnjëherë.

Bazuar në shumë studime, përfshirë edhe këtë të Harvardit, shkencëtarët thonë se vaji i ullirit ka potencial të ulë rrezikun e vdekjes nga sëmundjet që kanë lidhje me demencën.

Demenca ndodh kur çrregullohet rrjedhja e gjakut në tru, gjë që qon në dëmtim të indeve të trurit. Demenca mund të shkaktohet nga sulmi, hipertensioni, arteroskleroza e diabeti. Këto rrethana shëndetësore mund të ndikohen nga faktorët e stilit të jetesës, përfshirë mënyrën e të ushqyerit. Në këtë pikë bëhet shumë i rëndësishëm vaji i ullirit sepse përmirëson shëndetin vaskular dhe konsumimi i tij mund të zvogëlojë rrezikun nga demenca që shkaktohet nga ndonjë sëmundje vaskulare.

Edhe Lifestyle 31 jan 2025 Përbërësi ushqimor që mund të përmirësojë shëndetin e trurit

“Konsumimi i vajit të ullirit mund të ulë rrezikun e vdekjes nga demenca duke parandaluar inflamacionin e trurit, duke përmirësuar rrjedhën e gjakut dhe duke mbrojtur neuronet. Vetitë antiiflamatore, përmbajtja e yndyrave të shëndetshme dhe antioksidantët kontribuojnë në shëndetin e trurit, portencialisht duke ulur rrezikun nga sëmundjet vaskulare dhe format neurodegjenerative të demencës”, ka thënë doktori AK Sahani, drejtor i neurologjisë në Qendrën Indiane për Lëndimet Spinale.

Duke folur rreth vlerave ushqyese që përmban vaji i ullirit, doktori Praveen Gupta, drejtor në “Fortis memorial Research Institute”, ka thënë se yndyrat e shëndetshme që gjendet në këtë vaj, ulin sasinë e kolesterolit në arterie, duke parandaluar kështu dëmtimin e trurit.

Vaji i ullirit është i pasur me acidin yndyror të monosaturuar (MUFA) dhe acid oleic. Këto acide yndyrore të shëndetshme kanë ndikim në uljen e inflamacionit, përmirësim të nivelit të kolesterolit si dhe shëndet më të mirë kardiovaskular. 

Për më shumë, vaji i ullirit, përmban antoksidantë si vitamina E dhe polifenolet, të cilat mbrojnë qelizat nga stresi oksidativ.

Edhe Lifestyle 9 maj 2024 Vaji i ullirit ul rrezikun e vdekjes nga sëmundja e demencës

“Sëmundjet vaskulare janë përgjegjëse për rreth 50 për qind të vdekjeve nga demenca, përfshirë Alzheimerin dhe demencën vaskulare”, ka thënë doktori, Puneet Agarwal, drejtor i neurologjisë në Spitalin Max Super Specialty.

Ai ka shtuar se vaji i ullirit nuk ndikon vetëm në parandalimin e vdekjeve nga demenca por edhe në përmirësimin e shëndetit vaskular dhe uljen e rrezikut nga sulmi në tru e zemër.