-
Përktheu:
Vita Abrashi-Kajtazi
- 29 maj 2025 14:15
- Shpërndaje në:
Edhe pse shpesh paragjykohen si të pasura me kripë, ushqimet e konservuara mund të jenë pjesë e një diete të shëndetshme për ata që vuajnë nga tensioni i lartë i gjakut (hipertensioni).
Gati gjysma e të rriturve në SHBA vuajnë nga tensioni i lartë i gjakut, sipas Qendrës për Kontrollin dhe Parandalimin e Sëmundjeve (CDC). Konsumimi i tepërt i natriumit (kripës) është faktor kyç që ndikon negativisht në shëndetin e zemrës dhe rrit tensionin. Por kjo nuk do të thotë që të gjitha ushqimet e konservuara duhen shmangur plotësisht, ka raportuar Eating Well.
Nëse ndiqni dietën DASH (Dietary Approaches to Stop Hypertension), e cila rekomandon deri në 2,300 mg natrium në ditë (rreth një lugë çaji kripë), ushqimet e konservuara mund të jenë pjesë e saj, mjafton të zgjidhni versione pa kripë ose me pak kripë. Shpëlarja dhe kullimi i konservave mund ta ulë përmbajtjen e natriumit deri në 40%.
“Frutat dhe perimet e konservuara përmbajnë të njëjtat lëndë ushqyese si ato të freskëta”, thonë ekspertët. E njëjta gjë vlen edhe për peshqit dhe bishtajoret e konservuara me cilësi të lartë.
Këto janë 8 ushqimet e konservuara që dietologët rekomandojnë te rastet me hipertension:
1. Sardele të konservuara
Edhe
7 karbohidratet që ndihmojnë në uljen e tensionit të gjakut
“Sardelat janë të pasura me acide yndyrore omega-3 dhe kalcium, që të dyja të dobishme për tensionin”, ka thënë Veronica Rouse, dietologe klinike.
Omega-3 ndihmon në uljen e inflamacionit dhe presionit të lartë të gjakut, ndërsa kalciumi ndihmon në relaksimin e enëve të gjakut.
Zgjidhni sardele pa kripë të shtuar ose konsumoni gjysmën e porcionit të zakonshëm për të shmangur teprimin e natriumit.
2. Fasule të konservuara
“Fasulet janë një burim i shkëlqyer kaliumi, magnezi dhe fibrash, lëndë që ndihmojnë në kontrollin e tensionit”, ka thënë dietologia Laura M. Ali.
Gjysmë filxhani fasule të zeza me pak natrium përmban 8 gramë fibra dhe 7 gramë proteina. Kalciumi dhe kaliumi ndihmojnë në rregullimin e rrjedhjes së gjakut dhe presionit.
3. Domate të konservuara
Gjysmë filxhani domate të grira pa kripë të shtuar përmban 10% të nevojave ditore për kalium.
“Kaliumi ndihmon në neutralizimin e efekteve të natriumit duke nxitur eliminimin e tij përmes urinës”, thonë dietologët.
Domatet janë gjithashtu të pasura me likopen, një antioksidant që ndihmon në parandalimin e sëmundjeve të zemrës.
4. Peshku ton i konservuar pa kripë
“Është i lirë, i pasur me proteina dhe omega-3”, thuhet në udhëzimet ushqimore 2020–2025 për amerikanët.
Një porcion prej 85 gramë ton përmban 22 gramë proteina dhe ndihmon në uljen e tensionit përmes acideve yndyrore omega-3.
Edhe
Banania ul tensionin e gjakut më mirë se ulja e konsumimit të kripës
Një studim me rreth 5,000 persona ka treguar se vetëm 2 gramë omega-3 në ditë mund ta ulë ndjeshëm tensionin.
5. Kungull i konservuar
“Kungulli është i pasur me kalium, i cili ndihmon në balancimin e efekteve negative të kripës”, ka thënë dietologia Veronica Rouse.
Një filxhan kungull pa kripë përmban rreth 11% të nevojës ditore për kalium.
Përdoreni në mëngjes me tërshërë ose në biskota të shëndetshme për fëmijë.
6. Ananas i konservuar në lëng natyral
Një filxhan ananas i konservuar në lëng natyral përmban mbi 2 gramë fibra dhe është burim i mirë kaliumi.
Sipas studimeve të fundit, fibrat ndihmojnë në uljen e tensionit dhe rrezikut për sëmundje të zemrës.
7. Spinaq i konservuar
Një filxhan spinaq i konservuar përmban mbi 5 gramë fibra, kalium, magnez dhe kalcium.
“Perimet me gjethe të gjelbra si spinaqi përmbajnë nitrate natyrale që ndihmojnë në zgjerimin e enëve të gjakut”, thuhet në një studim që lidhi konsumin e përditshëm të tyre me tension më të ulët dhe rrezik më të vogël për sëmundje të zemrës.
8. Rrepa e kuqe e konservuar
“Rrepa e kuqe e konservuar është plot me antioksidantë, fibra, vitaminë C dhe B-komplekse”, ka thënë dietologia Laura M. Ali.
Edhe
Ushqimi që duhet t'i evitojnë personat me tension të lartë të gjakut
Ngjyra e kuqe vjen nga betalainat, përbërës natyral që ndihmon në reduktimin e inflamacionit dhe uljen e tensionit.
Rrepa e kuqe, ashtu si spinaqi, përmban nitrate që përmirësojnë qarkullimin e gjakut.
