Kryeministri Albin Kurti, ka udhëtuar në Irlandë, ku do të marrë pjesë në Samitin IX të Komunitetit Politik Evropian (EPC).
Në njoftimin e Qeverisë së Kosovës thuhet se në margjina të Samitit dhe gjatë vizitës në Dublin, Kurti do zhvillojë takime bilaterale me liderë e përfaqësues shtetesh, si dhe institucionesh e organizatash ndërkombëtare.
Kurti për tri ditë ka qëndruar në vizitë zyrtare në Francë, ku ka marrë pjesë në Forumin e Paqes.
Gjatë qëndrimit në Francë, të mërkurën ai ka takuar edhe presidentin Emmanuel Macron.
Kurti ka njoftuar se gjatë takimit ka theksuar rëndësinë e mbështetjes së Francës në mënyrë që Kosova ta marrë statusin e vendit kandidat për anëtarësim në Bashkim Evropian.