LAJMET E MBRËMJES

Kosova sërish ndër të fundit në “PISA 2022”

Foto: Driton Paçarada\KOHA
Pëlqeje KTV Video për të parë video të përzgjedhura nga KOHA
 

Nxënësit nga Kosova janë renditur të 74-tët në mesin e bashkëmoshatarëve të tyre nga 80 shtete pjesëmarrëse në testin PISA. Në raport është theksuar se 85 për qind e 15-vjeçarëve nga Kosova nuk kanë mundur të zgjidhin një detyrë të thjeshtë matematikore, e 83 për qind e tyre nuk kanë arritur ta kuptojnë një tekst me gjatësi mesatare. Krahasuar me rezultatet paraprake të testimit më 2018, Kosova ka shënuar regres, në veçanti në fushën e leximit dhe të të kuptuarit

85 për qind e nxënësve në Kosovë nuk mund të zgjidhin një detyrë të thjeshtë matematikore, është thënë në raportin e rezultateve të testimit ndërkombëtar “PISA”, i cili organizohet çdo tre vjet nga Organizata për Bashkëpunim dhe Zhvillim Ekonomik, OECD.

Sipas rezultateve të publikuara të martën, 15-vjeçarët nga Kosova janë ranguar ndër vendet e fundit nga mesi i 80 shteteve pjesëmarrëse në tri testet e programit ndërkombëtar për vlerësimin e nxënësve, PISA.