Pasditet e së dielave në ekranin e KTV-së, së shpejti do të kenë një kohë të rezervuar vetëm për botën e librit.
Nga e diela e 14 majit, në ora 17:30, në Kohavision do të fillojë të transmetohet CODEX, një emision i veçantë për librin.
Në këtë emision, i cili do të drejtohet nga gazetari Durim Abdullahu, njerëz nga bota e artit, shkencës, politikës dhe medias, do të flasin për pushtetin, dashurinë, lirinë, suksesin dhe shumë tema të tjera, duke ndarë leximet e tyre me publikun.
Po ashtu, përmes kronikave të emisionit CODEX, shikuesit e KTV-së do të mund të njihen me trendet e botimeve dhe letërsisë në vend dhe botë.
Për të qenë të informuar dhe për të ndjekur emisionin CODEX online, mund ta pëlqeni faqen e emisionit në “Facebook”.
