Shtëpia e familjes Koroglu në Mitrovicë, që gjendet në listën e trashëgimisë kulturore për mbrojtje, është përfshirë nga zjarri në mbrëmjen e të martës.
KOHA ka siguruar video ku shihet shtëpia e përfshirë nga zjarri.
Njësitë policore dhe zjarrfikësit kanë dalë në vendin e ngjarjes.
Policia ka thënë se nuk ka të lënduar.
“Sonte rreth orës 20:10 është raportuar se në rrugën “Bedri Gjina” në Mitrovicë, një shtëpi që është pjesë e trashëgimisë kulturore është përfshirë nga zjarri. Nuk raportohet për persona të lënduar”, ka thënë Policia rajonale e Mitrovicës.
Njësitet kompetente policore kanë nisur hetimet për shkaqet e zjarrit.
Edhe
Një vit pas shkrumbimit, 400 mijë euro për monumentin në Mitrovicë
Shtëpia e familjes Koroglu vlerësohet si më e vjetra në Mitrovicë. Kjo shtëpi daton qysh nga gjysma e parë e shekullit XIX.
Dy herë ishte tentuar të rrënohej shtëpia e familjes Koroglu në Mitrovicë vetëm gjatë korrikut dhe gushtit. Madje një person ishte arrestuar për këtë.
-
Pronari në ndalim policor, rinisin punimet në monumentin e djegur në Mitrovicë
-
Arrestohet pronari i monumentit ikonik të Mitrovicës që u dogj para dy ditësh
-
Institucionet sërish zotohen për mbrojtjen e shtëpisë 300-vjeçare në Mitrovicë
-
Monumenti ikonik i Mitrovicës digjet para syve të institucioneve