Krahasimi dhe kontrasti mes ideve bashkëkohore dhe shembujve historikë, ka qenë inspirimi për artistët më të rinj të vendit.
Studentët e Fakultetit të Arteve, së bashku me profesoreshën dhe kuratoren Majlinda Kelmendi, kanë realizuar ekspozitën e përbashkët, të titulluar “Dekonstruksion”, transmeton emisioni Express në KTV.
Të realizuara në stile të ndryshme, pikturat e studentëve janë ekspozuar në hapësirën e Muzeut Kombëtar të Kosovës. Ideja dhe koncepti pas këtyre veprave, i bën ato edhe më të veçanta.
Suad Rama, profesor në Fakultetin e Arteve, e vlerëson sinqeritetin e shprehur në veprat e studentëve.
Evoluimi i ideve e koncepteve artistike, ndër vite, është shprehur në mënyra të ndryshme.
Studentët e artit, kanë zgjedhur teknika e stile të ndryshme, për të paraqitur të kaluarën me ide bashkëkohore.
Ekspozita “Dekonstruksion” do të qëndrojë e hapur për publikun deri më 17 nëntor.
