Të paktën tre persona kanë mbetur të lënduar si pasojë e një vetaksidenti trafiku të ndodhur të martën në rrugën Gjakovë-Klinë.
Policia ka bërë të ditur se ky vetaksident është shkaktuar nga një minibus përkatësisht në fshatin Mrasor.
Të lënduarit janë dërguar për trajtim mjekësor.
“Rreth orës 07:45, jemi njoftuar për një aksident trafiku në fshatin Mrasor, në rrugën Gjakovë-Klinë. Në vendin e ngjarjes kanë dalë njësitë përkatëse policore, ku dyshohet se drejtuesi i një automjeti (minibus), gjatë lëvizjes, ka humbur kontrollin mbi automjetin dhe është vetaksidentuar. Si pasojë e aksidentit, tre persona janë dërguar për trajtim mjekësor”, ka thënë për KOHËN zëdhënësi i policisë, Sheremet Elezaj.
