Një 23-vjeçar nga Kosova ka vdekur të shtunën në Lezhë, teksa ndodhej me pushime me familjen, raporton “TopChannel”.
Policia ka bërë të ditur se është njoftuar nga Urgjenca e Spitalit të Lezhës rreth orës 09:00 të ditës së sotme se shtetasi G. S., 23 vjeç, banues në Ferizaj, Kosovë, ka mbërritur pa shenja jete.
Sipas deklarimeve të familjarëve, i riu kishte probleme shëndetësore që në fëmijëri.
Nga të dhënat paraprake, dyshohet se vdekja ka ardhur nga shkaqe natyrale. /TCH
